Scroll To Kjötsúpa Konungsins

Kjötsúpa Konungsins

  • Vetur

  • Kjötréttur

Saga réttar

Íslensk kjötsúpa er réttur sem hefur yljað og nært íslendinga svo lengi sem elstu menn muna. Varla er til sá íslendingur sem ekki hefur smakkað á þessum dásemdar rétti og er hún á sama tíma bragðgóð, seðjandi og næringarrík. Mér fannst vera kominn tími á að kjötsúpann yrði færð í sparifötin, einskonar hátíðar útgáfa af þessum annars auðmjúka rétti.

Uppskrift

Kjötsúpa Konungsins
Fyrir 2

• 2stk vænir lambaskankar
• 1stk stór gulrót
• 1stk bökunarkartafla
• 1stk gulrófa
• Súpujurtir
• Lambasoð
• Salt & pipar
• Ferskt timjan
• Ólífuolía
• lárviðarlauf

Lambaskankar kryddaðir með svörtum pipar, settir í poka ásamt fersku timjan og ólífuolíu. Eldaðir Sous Vide við 83°C í 8klst

½ lítri gott lambasoð sett í pott ásamt fersku timjan, súpujurtum og lárviðarlaufi. Soðið niður þar til hæfilegri þykkt er náð. Hægt er að þykkja með örlitlu maizena mjöli ef þörf krefur.

Rótargrænmeti skorið í ca 15mm þykkar sneiðar. Sett í poka ásamt ólífuolíu, salti og súpujurtum. Eldað Sous Vide við 83°C í 50mín.

Lambaskankar og rótargrænmeti lokað á funheitu kolagrilli. Raðað á disk og kjötsúpusósunni helt yfir skankann. Skreytt með örlitlu fersku timjan.

Ég mæli með Las Moras Black Label Malbec með þessum rétt.

Fleiri myndir á Instagram undir Hafsteinn11