Saga réttar

Höfundar: Víkingur Víkingsson, Arnar Bergmann Róbertsson, Gísli Skarphéðinn Jónsson, Viktor Andri Sigurðarson, nemendur við Hótel- og matvælaskólann. Repjuhrat hugmyndin var send inn á matarauð síðuna sem tillaga að hráefni og svo vorum við svo heppnir að draga það úr hugmyndahattinum. Aðal hráefnin eru rabarbari og repjuhrat. Rabarbari fæst stundum í verslunum en repjufræ og Repjuhrat er ekki fáanlegt í verslunum en væri ágætis hráefni í bökunardeildina við hlið hveitiklíðs osfrv. Repjuhratið er mjög næringaríkt, trefjaríkt og með hátt prótein hlutfall, en prótein hlutfallið er allt að 30% í hratinu. Repjufræin eru mjög fiturík og eru því kramin til að ná úr þeim olíu sem við þekkjum flest sem repjuolíu. Hratið vill helst enda í rusli eða í einhverjum tilfellum er því gefið skepnum. Hér erum við að reyna að gefa því áframhaldandi tilgang sem fæða. Repjuhratið hefur mjög ríkjandi og einkennilegt bragð sem gaman er að nýta í kex, brauð og eflaust fullt af einhverju öðru. Rabarbara bragginn var upphaflega hugsaður sem prótein stykki vegna hversu hátt hlutfall próteina leynist í honum en próteinin liggja í „gólfplötu“ braggans ss. repjubotninum. Súra rabarbarasultan og sæta gelið vinna skemmtilega með repjubotninum og súkkulaðið gerir þennan bragga þéttan og góðan. Það sem kemur eflaust helst á óvart við þennan sykursnauða gúmmelaði bragga er hversu góður hann er fyrir líkama og sál.