Úr ömmu eldhúsi

Suðurland
Vetur
Kjötréttur

Saga réttar

Þetta er hinn eini sanni íslensk kvöldmatur sem þú færð bara hjá ömmu og afa, þar sem alltaf er nægur tími til að elda, tala saman í eldhúsinu og bara njóta þess að vera saman. Þetta er réttur æsku minnar og ég fæ hann enn i dag hja ömmu. Matarást úr íslensku eldhúsi eins og hún gerist best.

Uppskrift

Lambakjöt, t.d. framhryggjarsneiðar (en má vera blandað, bara það sem er til)
Smjör til steikingar
5 gulrætur (gott að hafa nóg)
Laukur
3 dl vatn
Season All og pipar

Stillið ofninn á 170°C.
Þerrið kjötið, kryddið með Season All og pipar og steikið í smjöri á pönnu þar til það er orðið brúnað. Setjið kjötið i ofnskúffu - best er að nota svartan gamaldag eldunarpott (með loki). Setjð í ofninn og eldið í um 60-70 mín. Þegar um 40 mín eru eftir ef eldunartíma setið niðurskornar gulrætur í pottinn og lauk (skorin í sneipar). Hellið smá vatnu í pottinn, lokið og látið eldast. Gott að smakka soðið en það á að vera bragðmikið.

Soðinu er hellt af og notað sem grunnur fyrir klassíska brúna soð sósu.

Allt sett á stórt fat, kjöt, gulrætur og laukur.
Borið fram með grænum Ora baunu, rabbabarasultu (helst heimagerðri) og soðnum kartöflum.