Nú er komið að þjóðinni að velja rétt sem henni þykir eftirsóknarverður á matseðli veitinga-húss. Sáraeinfalt, bara smella á “Like” við þá rétti sem þér líst best á. Má vera hvaða réttur sem er óháð því hvort hann lenti í undanúrslit eða ekki. Munið að nota  #þjóðlegirréttir ef þið prófið uppskrift og deilið mynd á samfélagsmiðlum.

Bæði Íslendingar og útlendingar tóku svo sannarlega við sér og sendu okkur 107 hugmyndir og uppskriftir að þjóðlegum réttum. Þar kennir margra grasa allt frá njólasúpu, grasystingi og grjúpáni í skemmtilega útfærða samtímarétti. Gaman að segja frá því að fleiri karlmenn sendu inn hugmyndir en konur. Algengustu hugmyndirnar án uppskriftar voru kótilettur í raspi, plokkfiskur og svo komu líka hugmyndir að lúxuspylsum ýmist með fiski eða kjöti.

Við höldum áfram að safna matarminningum en til að skrá þær inn er smellt hér og skruna niður síðuna þar sem hægt er að fylla inn í formið fyrir matarminningar.

Takk fyrir okkur og verði ykkur að góðu!

Veitingastaðirnir sem eru í samstarfi við okkur munu velja einn rétt á matseðilinn sinn í sumar. Þannig er hægt að leggja land undir fót og koma bragðlaukunum í hátíðarskap. Þvílík stemmning!

Undanúrslit

Eftirtaldir 15 réttir voru valdir af kennurum og nemendum í Hótel- og matvælaskólanum. Valið var erfitt enda fjölbreyttar og gríðarlega flottar hugmyndir sem bárust.

Nemendur fengu leyfi til að útfæra réttina og þær myndir sem fylgja réttunum eru þeirra útfærslur. Dómnefnd hefur valið 5 bestu réttina að þeirra mati en þeir réttir verða ekki gerðir opinberir fyrr en 25. maí 2018. Formaður dómnefndar var Ragnar Wessman frá Hótel- og Matvælaskólanum.  Dómnefnd skipaði: Fanney Dóra Sigurjónsdóttir yfirmatreiðslumaður, Berglind Festival,  Eirný í Búrinu, Guðmundur Guðmundsson matreiðslumeistari og Búi Bjarmar Aðalsteinsson vöru- og matarhönnuður.

Aðrar Uppskriftir